كيف يكون غذائك صحي ؟
انا ما أقدر أعلمك كيف يكون غذائك صحي بس أقدر أعطيك بعض الخطوات اللي تمشي عليها
وصدقيني راح تتحسن حالتك الصحيه معها
أولا:
water
قد ماتقدري اشربي مويه او إذا انتي زيي ماتهتمي لشرب المويه كثير حطي منبه كل ساعه يذكرك بالمويه
اشربي كاستين
أول ماتصحي هذا أهم وقت اشربي كاستين
ماراح تقتلك المويه
بالعكس بشرتك راح تتحسن كثير كثير
ثانياً :
وجباتك
ببساطه قللي وجباتك لاتحرمي نفسك بس قلليها وإذا حسيتي الوجبه ماراح تشبعك زودي عليها خضار
بين الوجبات جوعانه كولي فواكه و لامكسرات بدون ملح أو شي
اذا جيتي بتاكلي لاتركزي على حساب السعرات الحراريه
احسبي القيمه الغذائيه للأكل أحرصي على ان وجبتك اتوفرت فيها أغلب الأشياء بروتين كالسيوم صوديوم بوتاسيوم ... الخ
كولي فيتامينات
فيتامين D3
+ اذا حسيتي بتعب كولي energy b12
طبعاً زي ماقلت استخدمي البي 12 اذا حسيتي بتعب مع الحميه لاتاخذيه كذا وبس
ثالثاً :
الرياضه
و شي مهم انك تسوي رياضه اقلها المشي امشي ساعه اقل شي
لاتمشي مشي عادي حاولي يكون مشي بخطوات سريعه علشان تحرقي سعرات حراريه
و إذا قدرتي انك تجري ( تركضي ) شوي مايمنع أحسن للحرق
رابعاً :
نومك
أدري انا اخر وحده تتكلم عن النوم بس جالسه احاول فيه اللحين يتعدل
عدلي نومك وراح تشوفي تأثير هالشي على بشرتك و على نفسيتك
قومي وروقي شوي امشي نص ساعه تقريباً أو اذا حابه ساعه شي راجعلك
راح تحسي بتأثير هالشي عليك
خطوات بسيطه لغذاء صحي و حياة صحيه
لأي فكره ببالك أو اضافه من عندك
راسليني عالتويتر @Mademoiselles00
أو على ايميلي mademoisellesoo1@gmail.com
أو اكتبيلي كومنت بالصفحه تحت ↓
و إذا عجبك شي من مواضيعي البسيطه لاتنسي تشاركيه مع صديقاتك و من تحبين ♥
love you all ♥
cya ♥
